أكّد الدكتور زكرياء بوقيرة، اليوم الجمعة 24 ديسمبر 2021، أن متحور ''أوميكرون'' من فيروس كورونا له القدرة على التكاثر في القصبات الهوائية 70 مرة أكثر من المتحور دلتا.

وأوضح بوقيرة، في تدوينة على صفحته بموقع التواصل الاجتماعي فايسبوك، أنّ نتائج أولية لدراسة حديثة صدرت في إيرلندا أثبتت أن المتحور لا يدخل في رئة المصاب ويبقى في القصبات الهوائية مما يضعف من مدى خطورته.

وقال: "صحيح الدراسة صغيرة والمعطيات أولية ومازالت تنجم تتبدل. أما جرعة امل حبيت نتشاركها معاكم...المتحور هذا يدخل للصبيطار أقل ب2/3 من المتحور دلتا..الوفايات كيف كيف أكيد بش يكونو أقل من دلتا معناها موجة عشرة آلاف ميت من دلتا الي كانت بش تزدم علينا لن تقع والتوقعات تنجم تتقسم على عشرة"

وأضاف: "حاجة أخرى كيما الصعود الوبائي متع الاوميكرون سريع كيما النزول زادا سريع. أفريقيا الجنوبية توة فاتت الpic في الاصابات وفي الدخول إلى المستشفى...تقريبا المتحور هذا تسبب في موجة دخول المستشفى شطر موجة دلتا بالرغم ن عدد الاصابات فات بكثير أرقام دلتا"

وتابع قائلا: "شنوة بش يصير فينا؟ بش ينتشر أوميكرون بش يولي هو المهيمن. بش نوصلو لعدد إصابات مهولة. اكثر حتى من الصيف.اما في السبيطار موش بش نوصلو كيما الصيف. ممكن تصيرلنا موجة كيما موجة متع رمضان. وفي الوفايات نتصور تقريبا ينجمو يموتو الف تونسي (رقم تقريبي بارشا ينجم يتبدل في المستقبل).