عبّرت الممثلة والناشطة عزة سليماني، عن تضامنها مع المحجبات اللتي يتم منعهن من استعمال حوض السباحة بتعلة الملابس التي يرتدونها المعروفة بالبوركيني.

و دونت سليماني كا يلي :
"ثمه ممارسات في النزل التونسية مش باهية قاعدين يمنعو في المحجبات بش يهبطو في البيسين... شنوا هذا؟!!! معناها عريانة ميسالش تعوم و متحجبة لا.. هاذي فضيحة !! وحدة لابسة بيكيني ولا وحدة لابسة بوركيني هاذي حرية شخصية و ما ثماش فرق.. قال شنيه المرا المتدينة تاكل و تمسخ حوايجها و تدخل تعوم بيهم.. مش صحيح انا نراهم بعيني كيفاش يدخلو يدوشو قبل ما يهبطو للبيسين.. و زيد الكلام الي نسمع فيه في بعض الإذاعات الي ترسخ الفكرة هاذي . والله عيب والله.. بكلنا كيف كيف و اي واحد عندو الحق بش يتفرهد و اللبسة حرية شخصية و حرية الاختلاف نقبلو بعضنا لازمك كيما تقبل وحدة لابسة بيكيني كيما تقبل وحدة تحب تعوم مستورة بالبوركيني "